- للاستشارات القانونية
- 01103004317
- +201220615243
- info@lawyeregypt.net
الأوراق المطلوبة لتجديد جواز السفر
الأوراق المطلوبة لتجديد جواز السفر
– فى حالة تجديد جواز السفر فالأوراق المطلوبة هى : –
– يتم الحصول على استمارة جواز السفر ( نموذج 29 جوازات ) من مصلحة الجوازات أو احد الفروع ويتم ملئ البيانات في الصفحة الأولي وإرفاق المستندات الآتية : –
1. بطاقة الرقم القومي سارية المفعول أو في فترة المهلة ( ثلاثة أشهر ) .
2. جواز السفر السابق .
3. يتعين تقديم بطاقة الرقم القومي لمن هم تعدوا سن السادسة عشر ، أما بالنسبة للأقل من السادسة عشر يكتفي بشهادة الميلاد الرقم القومي .
4. تقديم عدد (3) صور شخصية حديثة ذات خلفية بيضاء 4×6 .
5. يتم تقد يم مستند التجنيد ( أدى الخدمة العسكرية – معاف من الخدمة – مؤجل تجنيده ) للذكور ( لمن لم يكون مثبت على الجواز السابق ” غير مطلوب للتجنيد ” .
6. المؤهل الدراسي ( متوسط – عالي ) في حالة عدم ثبوته في البطاقة الرقم القومي .
7. قسيمة الزواج في حالة اسم الزوج بالبطاقة ( للإناث ) + صورة .
8. بالنسبة للطلبة يتم تقديم شهادة قيد معتمدة للسنة الدراسية الحالية – للذكور يتم تقديم شهادة قيد مثبت بها تاجبل التجنيد وقرار التأجيل وذلك لمن هم تعدوا سن (19) عام .
9. الغير حاصلين على مؤهل يجب إيداع مبلغ 400 جنيه( تأمين الجواز ) بالبنك الاهلى أو بنك مصر لحساب مصلحة الجوازات ( إيصال) على انه يمكن استرداد مبلغ التامين في حالة انتهاء الجواز أو إلغاءه .
10. السجل التجاري لايقل قيمة رأس المال للفرد عن خمسة ألاف جنيه ولم يمضى على صلاحيته خمس سنوات
– ممن يتم قبول الطلبات : –
– تقبل الطلبات من صاحب الشأن شخصيا .
– الأزواج والزوجات ينوب كل منهم عن الأخر .
– الآباء والأمهات بالنيابة عن أولادهم القصر .
– الأبناء البالغين بالنيابة عن أبائهم وأمهاتهم .
– الإخوة البالغين نيابة عن أشقائهم القصر .
– الجد ( والد الأب ) والعم في حالة سفر الأب .
– الوكلاء الرسميون بموجب توكيل عام رسمي أو قضائي أو توكيل خاص .
– المهاجرون الذين استوفت هجرتهم ومازالت إجراءات الهجرة سارية والمتواجدون خارج البلاد ” يمكن صرف جواز سفر لهم من مصلحة الجوازات أو احد فروعها وذلك بمعرفة ذويهم بعد إثبات صفته على الطلب .
– الأوراق المطلوبة لتجديد جواز السفر 2020 – الأوراق المطلوبة لتجديد جواز السفر 2019
– تجديد جواز السفر المصري المميكن – الأوراق المطلوبة لاستخراج جواز السفر
– رسوم تجديد جواز السفر المصري 2020 – أماكن تجديد جواز السفر
– الأوراق المطلوبة لتجديد جواز السفر للاطفال – الأوراق المطلوبة لتجديد جواز السفر في السفارة المصرية
77 Comments
لو سمحت الجواز القديم كنت اعزب ومكنش فيه اولاد وكمان غيرت العنوان ايه المطلوب لتعديل من اعزب لمتزوج وياترى هيحتاجوا حاجه لبنتى والعنوان اتغير ممكن بالظبط علشان مروحش هناك وارجع تاني
– بطاقة عائلية مثبت بها الحالة الاجتماعية ( متزوج )
– قسيمة زواج مميكنة .
ملحوظة : – الاولاد الان بيتم أًصدار جواز سفر خاص بهم مستقل.
لو سمحت لو حابب اجيب استيفاء نموذج طلب استخراج جواز سفر مصرى مجاناً اجيبه من مصلحه الجوزات والصور لازم جديده ولا اي صور بيضه قديمه
صورة من مصلحة الجوازات
لو سمحت ينفع ارجع جواز السفر واسترد مبلغ التأمين إللي دفعته في البنك
للاسف لا
هل عند تجديد الجواز يلزم تقديم اصل شهادة الجيش ام يمكن تقديم صوره منها مع العلم ان الموقف من التجنيد في الجواز القديم ” في سن التجنيد “
لازم الاصل
هل عند تجديد جواز السفر يجب تقديم الجواز القديم ؟ الجواز القديم مفقود و منتهى الصلاحية لازم اعمل محضر ولا ممكن استخرج الجديد بدون هذه الخطوة؟
حرر محضر شرطة ومذكرة فقد
لو سمحت البطاقة لسة منتهية وقدمت علي بطاقة جديدة ومعايا الوصل لكن لسة مطلعتش , هل ممكن أستخدم البطاقة اللي لسة منتهية أو الوصل لتجديد جواز السفر ؟
ولو مينفعش إيه الحل التاني لأني مستعجل ؟
لا يجوز لازم البطاقة الجديدة
لو سمحت تكلفة التجديد كام و انا اخر جواز ليا كان ٢٠٠٦ و كنت طالب ايه المطلوب مني عشان اعمل واحد جديد
فيه تجديد اون لاين
شوف على الموقع الخاص بمصلحة الجوازات والهجرة الخدمة دى مفعلة ولا لاء
أنا في صدد تجديد جواز السفر الخاص بي المنتهي في 31/10/2019 و أنا الموقف من التجنيد بتاعي في الجواز القديم كان غير مطلوب
هل هحتاج أطلع شهادة جيش جديدة ولا مش هحتاج
أسأل فى الجوازات … بس على حسب أخر تعليمات كانو بيطلبو الموقف الحالى من التجنيد
البطاقه فاضل عليها ٤ شهور
هل ممكن اعمل بيها الجواز ولا لازم واحده جديده
السلام عليكم
لو سمحت حضرتك انا جواز السفر بتاعي ساري وبطاقتي ساريه و الاتنين مكتوب فيهم اعزب وانا دلوقتي عايز احدد جواز السفر ينفع اجدد واخليه متزوج بقسيمة الزواح فقط ولا لازم اغير البطاقه …..
لازم تثبت الحالة الاجتماعية فى البطاقة اولآ
السلام عليكم..
هل يمكن تحديد جواز السفر قبل فتره الانتهاء بسنه او اكثر..
لكم جزيل الشكر..
هجدد جواز السفر و القديم مكتوب فىه موقف التجنيد غير مطلوب .. كده لزم اخد اصل الشهادة للجيش ولا ايه .. مع العلم اصل الشهادة فى الشركة و مش معايا
لازم أصل الشهادة
جواز السفر الخاص بى انتهى محتاج اجدده هل يوجد مكان اخر أجدد فيه لان مكتب الجوازات التابع له مغلق حتى 24 إبريل هل يوجد حل ام لا وهل الاغلاق ده سارى على كل مكاتب الجوازات وايه الحل.
كافة مكاتب الجوازات مغلقة
انا طالب و عايز اجدد جواز السفر اول سؤال انا معايا صورة من اثبات القيد ولا لازم الاصل و ثاني سؤال ما هو مستند التجنيد .ان في اثبات القيد مكتوب ان متاجل التجنيد . و هل مكتب الجوازات شغال ؟ و شكرا
لازم أصل القيد …. مكتب الجوازات لا يعمل حاليا
لو سمحت انا محتاج اجدد جواز السفر ضروري بس الجوازات قافلة فاسكندرية فهل فيه طريقة اجدده الكترونيا ,, لو جوازات القاهرة شغاله اعرف منين
للاسف مصلحة الجوازات والهجرة اجازة الفترة الحالية بسبب فيروس كرونا
لو سمحت انا غيرت الوظيفة في البطاقة و فاصبحت مختلفة عن الباسبور و محتاج اجدده لانه انتهى هل هاحتاج ختم جهة العمل ؟ و هل ممكن استلم استمارة التجديد من اي محافظة ؟ لاني لما رحت اجدد طلبوا مني اروح اجدد في محافظتي فقط , شكرا
لو الوظيفة فى الجواز القديم (موظف) كما هو مذكور فى البطاقة
هاينطلب منى اصل او صورة المؤهل الدراسى
حيث لا يوجد اى تغيير فى اى بيان فى الجواز اطلاقا
بص الجوازات كل يوم بتعليمات خدهم معاك أحتياطى
هل يجب تسليم أصل جواز السقر السابق؟ لان به تأشيرات كثيرة ومرتبط بإجراءات ومسائل عائلية فى بلد الزوجة
هاتقدمة للمراجعة ونقل البيانات
انا لسه في الجيش وباقي واخلص جيش ٧شهور ينفع اطلع جواز سفر وانا في الجيش وجواز السفر بتاعي منتهي من ٢٠١٠م بس الجواز ضايع ايه هيا الطلبات علشان اطلع جواز تاني وعلي العلم انا تجوزت وحاب اطلع لي زوجتي جواز سفر كمان
السلام عليكم انا بطاقتى منتهيه وضرورى اجدد الجواز لانى بالعراق وهينتهى بعد ٣شهور
هل ينفع ابعته مع الاوراق لحد فى مصر يجددهولى
وما الاوراق المطلوبه والتكلفه
لا
لوسمحت ممكن الأم تجدد جواز سفر ابنها ٣ ابتدائي بدون الاب وايه الأوراق المطلوبه
لو سمحت انا في قطر وعندي وثائق سفر مصريه للاجئين الفلسطينيين منتهية هل ممكن اوكل محامي يجددهم بمصر
مش متاح …. لازم التجديد شخصيآ
لو سمحت انا مكتوب فى الجواز القديم معاف نهائي من اداء الخدمة العسكرية كده لازم اخد اصل شهادة الجيش ولا ممكن صورة منها
هل يمكن احد غير الاب ان يقوم بتجديد جواز السفر للولاد
لا
من فضلك، ابني جواز سفره منتهي و هو لسه مكمل ١٦ سنة بس لم يحصل علي بطاقة، ممكن التجديد بشهادة الميلاد المميكنة؟
هو ممكن حد يعمل اجرأت التجديد ليا الخاصة بتجديد جواز السفر و انا بعد كده استلم الجواز بنفسي ؟ ولا لازم انا شخصيا اللي اعمل الاجرأت كلها
لازم بشخصك
لو سمحت انا الجواز بتاعي عليه تئشيره بس انا مدت احتياطي الخدمة العسكرية انتهت 2018ومكتوب في الجوازات في سن التجنيد لان انا كنت مطلعه قبل 2018دلوقتي انا مطلوب مني تسرح سفر ومينفعليش التسريح ممكن اعمل بدل فاقد ولا اعمل ايه افدني قبل التئشيره متروح عليا
أسال فى الجوازات
المهنه فى البطاقه تختلف عن مهنه الجواز يعنى الجواز به حداد مسلح والبطاقه الآن حاصل على بكالوريوس عند التجديد بيكتبوا المهنه الموجودة بالجواز القديم أم بالبطاقة الجديدة
انا سألت في الجوزات ان التجديد يلزم اصل المؤهل
هل ممكن نسحب اصل من الشغل واخليهم يطلعو عليه وارجعه تاني الشغل
ولا هما هبخدو المؤهل اطلع اصل ليهم
بيطلعو فقط
السلام عليكم
انا مسافر السعودية
بجدد الجواز وانا في مصر الان وغيرت المهنة في البطاقة في مشكله في تغير المهنه علشان الجواز القديم المهنه مختلفه فيه
المهم المهنة الجديدة تكون نفس اللى الفيزة العمل الخاصة بيك
السلام عليكم ورحمة الله وبركاته
انا موجود في مصر اجازه وباقي 5 شهور وجواز السفر ينتهي.. طبعا هجدده في مصلحه الجوازات التابعه لي.. مطلوب اي تحديث للجواز الجديد قبل السفر واي المطلوب قبل السفر بدون مشاكل ان شاء الله
لو سمحت انا مسافر وزوجتى هتجدد جوزات السفر ليها والأولاد فى المرحلة الابتدائية
لازم اثبات قيد من المدرسة ولا شهادات الميلاد المميكنة بس
والجواز بيطلع بعد كام يوم
لو مصريين …. شهادات الميلاد فقط
فين اقرب مكان في مدينة نصر لتجديد جواز سفر انتهت صلاحياته في مارس الماضي ٢٠٢٠، وحجزت تذكرة سفر يوم الخميس القادم ٨ أكتوبر مساء واكتشفت ان الجواز منتهي الصلاحيه، محتاج بعد اذنك اعرف اروح فين يعطي الجواز الجديد في ٢٤ ساعه ، وهل لو انا مدرس هل مطلوب اعتماد اي أوراق او اختام، علما انه تجديد جواز مش استخراج اول مرة
السلام عليكوم انا جوازى انتها وانا فى مصر ورحت جدده هل التاشيره بتنقل ولا لم اسافر السعوديه
أسال فى الجوازات اللى انتا تابع ليها
السلام عليكم انا جوازي منتهي وانا خارج مصر هل ممكن ارسله لوالدي او احد من اخوتي لتجديده لان التجديد من خلال القنصليه المصريه ياخد وقت طويل جدا وانا ف حاجه ماسه له ف خلال ايام قليله
لازم بشخصك
ونسيت اقول لحضرتك ان البطاقة مفقوده ويوجد شهادة الميلاد مدون عليها الرقم القومي
انا عندي جواز سفر حينتهي في شهر سبتمبر2021
لو عاوز اعمل جواز جديد ينفع ؟ . واقدر اسافر بالجواز القديم عشان عليه الاقامة ؟؟
دلوقتي حضرتك انا ف اجازه ف مصر وجوازي ال عليه التاشيره انتهي
وهغيره بس بمهنه غير الي ف القديم هل هينفع اسافر ولا فيها شي ؟
هتنقل بيانات للجواز الجديد
لو سمحت انا جوازي القديم منتهي وكات مكتوب فيه طالب بس بطاقتي مكتوب فيها لايعمل لاني كنت بدرس بقرار منزلي قرار عمال المهم اني جبت الشهاده وعايز اجدد الجواز هل لازم اغير البيانات في البطاقه ولا الشهاده كفايه؟
غير فى البطاقة الاول
السلام عيكم
هوه لو البطاقه مكتوب فيها لا يعمل
هيتكتب ف الجواز بردو لا يعمل صح؟
ايوة
لو سمحت انا فى المطرية اجدد جواز سفرى منين …وشكرا
اسألى فى مجمع الاميرية
سلام عليكم
حضرتك موقع اليوم السابع بيقول كلام مختلف فما صحة كلام اليوم السابع ؟ يقول للذكور يعتبر جواز السفر المميكن شخصي ولايضاف فيه الاولاد او الزوجة ( فقط الزوجة هي التي تضيف اسم الزوج لجواز السفر الخاص بها ) يعني الذكر الاعزب سابقا اذا احب ان يجدد جواز سفره لايحتاج لقسيمة زولج او حتي لتحديث الحاله الاجتماعية في البطاقة الشخصية .. لكن الزوجة ستحتاج بكل تاكيد .
الرابط
https://m.youm7.com/story/2017/1/19/10-معلومات-تعرف-عليها-قبل-استخراج-جواز-السفر-المميكن/3062114
لو سمحت انا محل الاقامة اسيوط ممكن اجدد جواز السفر في القاهرة ولو ممكن في اي مكان يتم تجديده
اسأل فى جوازات العباسية
انا غيرت المهنه في البطاقه وغيرت من اعزب الي متزوج والمهنه الي غيرتها تختلف عن المهنه اللي في الجواز والجواز باقي فيه عشر شهور وانا حالين في مصر لو غيرت المهنه اللي في الجواز زي اللي في البطاقه فيه مشكله بنسبه للتاشيره
مافيش مشكلة
الجواز المنتهي للانثي المتزوجه يتطلب تأمين مره اخري ام لا مع العلم اني دافع تأمين قبل ٨ سنوات ٤٠٠ جنيه