عقوبة تصوير ونشر الصور والفديوهات الخاصة دون إذن صاحبها
عقوبة تصوير ونشر الصور والفديوهات الخاصة دون إذن صاحبها – السند القانونى لجريمة نشر صور خاصة دون موافقة صاحبها : – – نصت المادة 309 مكررا
قرارات التمكين ….. يعنى ايه قرار تمكين ..؟
يعنى القانون أعطى للنيابة العامه متمثله فى المحامى العام سلطة إعطاء قرار بتمكين أحد الأشخاص من شىء من حقه ولو بالقوة الجبريه وفقا للقانون … يعنى ايه ؟ يعنى لو حضرتك عندك بيت أو شقه أو محل واتفاجئت أن فى ناس طردتك وقالتلك أن المكان ده ملكنا تعمل ايه … تعمل محضر وتطلب قرار تمكين ويصدر القرار بناء على شهادة الشهود وتحريات المباحث … يعنى لو الشهود والتحريات قالو صحة اقولك حتاخد قرار تمكين وحيتنفذ بالقوة الجبرية وفى وجود قوه من الشرطه والكلام ده فى فتره قصيره جدا …. يعنى قرار التمكين ده مش للمتجوزين والمطلقين وبس … لا طبعا ده لكل الناس وقرار التمكين يصدر بكل حاله على حدا مثلا ..
فى حالة غصب الحيازه يصدر قرار التمكين لمن ثبتت حيازته حيازه هادئه مستقره … فى حالة استمرار العلاقه الزوجيه يصدر قرار التمكين بالمشاركه بين الزوج والزوجة …. فى حالة الطلاق يصدر قرار التمكين للحاضنه منفردا بدون الزوج يعنى حتاخد الشقه لوحدها …. ونقول توضيح بسيط قرار التمكين ليس دليلا على الملكيه إنما هو قرار مؤقت خوفا من زوال الحق أو إلحاق ضرر بالغير … يعنى ماتخافيش ان الشقه بتاعت الزوجيه مش باسم جوزك أو كانت ايجار قديم أو جديد أو كانت حتى باسم أبوه … كده كده حتاخدى تمكين … ويجوز طبعا لصاحب المصلحه رفع دعوى موضوعيه لإثبات خلاف ذلك أو الاعتراض القانونى على ذلك القرار …. وحاول تبقى حذر وانت بتشترى شقه اوعى يبعلك بقرار تمكين ويقولك انا معايا قرار من المحامى العام أن الشقه شقتى. .. أسأل نفسك وقتها ولما هى شقته حصل عليها نزاع ليه ورحت للمحامى العام وأخذت قرار تمكين .
– خلى بالك وانتى بتنفذى قرار التمكين ممكن تتحبسى! طيب ازاى؟
– لو قرار التمكين صادر بالمشاركه بين الزوج والزوجة محضر التنفيذ بيجى يسلم الطرفين الشقه ويمشى مع الف سلامه وطبعا بعد ماياخد عليهم تعهد بعدم التعرض بعضهم لبعض.
– طيب لو القرار طالع بالمشاركه بس وقت التنفيذ كان فى طرف من الطرفين مش موجود يعنى واحد بس هو إلى بينفذ قرار التمكين؟ يبقى فى الحاله دى المحضر بيثبت ده وبيتم فتح الشقه وتحرير محضر جرد بكل حاجه موجوده فى الشقه.. طيب ايه المشكله..؟ لا طبعا فى مشكله انه فى نهايه محضر الجرد ده بيتم توقيع الطرف الى أتمكن وتسلم المنقولات إلى كانت موجوده فى الشقه بصفة الامانه ويقر أنها أصبحت فى حيازته ويكون آمين عليها.. طيب وده معناه ايه..؟ معناه أن إلى أتمكن يعتبر كده مضى للطرف الثانى على قايمه منقولات وسهل جدا الطرف الثانى ياخد صوره رسميه من محضر الجرد ويرفع بيها جنحه تبديد ويطلب حجته..؟ أقول مثال..
** حضرتك مثلا صدرلك قرار تمكين بالمشاركه انتى وجوزك وحبيتى تنفذى نزل معاكى المحضر فتحتو الشقه سلمك المنقولات بمحضر جرد ومشى، ممكن بقى تانى يوم جوزك يروح ياخد صوره رسميه من محضر الجرد ده ويعمل محضر تبديد بالظبط زى جنحه المنقولات الزوجيه إلى الزوجه بتعملها للزوج وبيكون فيها حبس، يعنى حضرتك بتمضى قائمه منقولات للطرف الثانى، وطبعا العكس صحيح.
– ملحوظه : – يحق للزوج أيضا الحصول على قرار التمكين وتنفيذه اذا كان بالمشاركه يعنى قرار التمكين مش للزوجه فقط.
مكتب المستشار القانونى / أحمد سيد حسن
” المحامى بالنقض والدستورية والإدارية العليا “
(whats app ) واتس أب : 201220615243+
للتواصل : 201103004317+
عقوبة تصوير ونشر الصور والفديوهات الخاصة دون إذن صاحبها – السند القانونى لجريمة نشر صور خاصة دون موافقة صاحبها : – – نصت المادة 309 مكررا
قانون رقم ۱۷٥ لسنة ۲۰۲٥ بتعديل بعض أحكام القانون رقم 212 لسنة 1980 بفرض رسم لمبانى وزارة الخارجية بالخارج قانون رقم ۱۷٥ لسنة ۲۰۲٥ المنشور بالجريدة
صيغة إعلان بترك خصومة والتنازل عنها إنه في يوم …….… الموافق / / 2025 م بناء على طلب : – السيد / ………………………………… المقيم في