- للاستشارات القانونية
- 01103004317
- +201220615243
- info@lawyeregypt.net
الإجراءات والاوراق المطلوبة لتغيير المهنة بالبطاقة الشخصية ( بطاقة الرقم القومي )
الإجراءات والاوراق المطلوبة لتغيير المهنة بالبطاقة الشخصية ( بطاقة الرقم القومي )
أولا :- الإجراءات المطلوبة لتغيير المهنة بالبطاقة الشخصية بطاقة الرقم القومي في : –
أ – بالنسبة للعاملين بالحكومة والقطاع العام : – يتم أعتماد المهنة من جهة العمل وبختم شعار الجمهورية .
ب – بالنسبة للعاملين بالقطاع الخاص : – يتم اعتماد المهنة من جة العمل + خطاب من التأمينات الاجتماعية معتمد بختم شعار الجمهورية بة المسمى الوظيفى نفسة واعتماد النقابة بالنسبة للمهن النقابية .
ج – بالنسبة للمهن النقابية الحرة : – يلزم أعتماد “ ختم “ النقابة المختصة .
د – بالنسبة للمهن الحرافية : – ترخيص مزاولة المهنة الصادر من الجهة الاختصاص أو اعتماد الاستمارة من النقابة المهنية المختصة .
هـ – بالنسبة للعاملين بالخارج : – عقد العمل الموثق من الخارجية المصرية أو تصريح العمل السارى أو اعتماد الاستمارة من تأمينات العاملين بالخارج .
و – أصحاب الشركات : – السجل التجارى السارى أو رخصة التأمينات بالنسبة لاصحاب المحلات .
ي – أرباب المعاشات : – أعتماد الاستمارة من جهة المعاش لأرباب المعاشات ما لم يكن مثبتآ بالبطاقة الشخصية أو سركى المعاش .
** تغير المهنة في البطاقة يتطلب حضور صاحب الشأن شخصيُا ,ويجب أن يكون لدية بطاقة رقم قومى تم أستخراجها من قبل ثم : –
2 – شراء أستمارة بطاقة الرقم القومى ” النموذج ” واستيفاء البيانات .
– هناك عدة أنواع من استمارات بطاقة الرقم القومي : –
استمارة العادية فئة 50 جنيه، تسلم البطاقة بعد 15 يومًا
استمارة عاجلة فئة 120 جنيهًا تسلم البطاقة بعد 3 أيام.
استمارة مميزة vip فئة 170 جنيه تسلم البطاقة خلال 24 ساعة.
3 – إعتماده إستمارة الرقم القومى من جهة الدراسة أو العمل أو النقابة التابع لها أو مستخرج رسمى من السجل التجارى ” فى حالة تملك شركة “
– أو أستخراج شهادة قياس مستوى المهارة ” يتم أستخراجها من مكتب العمل التابع للبطاقتك الشخصية ” وتلك لأصحاب المهن والحرف الصناعية ….. الخ.
– وبالنسبة للمعاق يضاف شهادة تأهيل المهنة الجديدة ( الاصل للاطلاع ).
– ويجب أن يتم أستخراج برنت تأمينى حديث مثبت بة المهنة المراد أثباتها والتغير اليها فى بطاقة الرقم القومى .
4 – تقديم الطلب للموظف المختص ومراجعة أستمارة الرقم القومى والبيانات الواردة بها والاختام .
5 – الموقف من التجنيد أو الموقف من الخدمة العامة لحملة المؤهلات العليا ( الأصل للأطلاع ) .
6 – استلام البطاقة بعد 15 يوما أو 3 أيام أو 24 ساعة حسب نوع استمارة الرقم القومى التى قمت بشرائها .
ثانيا : – المستندات المطلوبة للحصول على الخدمة في : –
1 – نموذج طلب البطاقة.
2 – اعتماد الطلب من جهة العمل الجديد سواء كانت حكومية أو قطاع عام أو نقابة مهنية.
3 – اعتماد الطلب من جهة التأمينات الاجتماعية بالنسبة للعاملين بالقطاع الخاص.
54 Comments
انا جايلي عقد السعوديه وعايز اغير المهنه في البطاقه الي مقدم قهوه فما هي الاوراق المطلوبه
مساء الخير
لو سمحتو كان عندى استفسار
انا معايا الباسبور البحرى بتاعى ومكتوب عليه مهنه بحرى مبتدئ وكنت عاوز اكتب نفس المهنه دى فى البطاقة الشخصية بتاعتى بس قالولى فى السجل مينفعش فأنا كنت عاوز اعرف ليه
بتجيب ورقه من التفتيش البحري باب ١ في اسكندريه
موجهه للسجل المدني مكتوب فيها مهنتك ال في الباسبور الاسود
قدمت الاستماره وختمت من الشركه والتأمينات فقط هل الاستماره ممكن ترجع علشان مختمتش من النقابه علشان انا مش مشترك في النقابه
لو مش مشترك فى النقابة مش هاتختملك
طب لو مشترك في النقابه وعايز اشيل كلمه محامي
قدمت الأوراق المطلوبة لتغيير المهنة من طالب الى مهندس معمارى وحصلت على البطاقة الجديدة المهنة مهندس مدنى!!
فى مسميات فى الاحوال المدنية … مافيش مسمى مهندس معمارى فى مهندس مدنى
السلام عليكم لو سمحت عاوز اعرف ايه الاوراق المطلوبه لتغير مهنه في البطاقه الشخصيه من عامل عادي لطباخ منزلي للسفر
يا فندم انا شيف في فندق وصفيت بسب الكرونا ودلوقتي انا جتلي سفريه والبطاقه مكتوب فيه طالب وعاوز اعمله المهنه طبخ وانا مش على قوت مكان دلوقتي اعمل اي
يا فندم انا شيف في فندق وصفيت بسب الكرونا ودلوقتي انا جتلي سفريه والبطاقه مكتوب فيه طالب وعاوز اعمله المهنه طبخ وانا مش على قوت مكان دلوقتي اعمل اي
لو سمحتو عايز اعرف الاوراق المطلوبه علشان اغير مهنتي في البطاقه الي سكرتير مكتب محامي.. ايه الاوراق المطلوبه..؟؟
السلام عليكم انا مهنتي في الجواز سائق وفي البطاقه عامل وعايز اجدد الجواز المهنه حتبقى سائق ولا عامل مع العلم اني اعمل سائق خاص بالخليج
لازم تغير الوظيفة فى البطاقة الاول .
انا رخصتي ساريه مهنيه هحتاج ختم من التأمينات والا الرخصه تكفي
لازم ختم التأمينات
عايز اغير المهنه في البطاقه من طالب لصاحب شركه
لو سمحت انا جايلى سفر السعوديه المهنه مقدم قهوه
ف عايز اغير بطاقتى
ايه المطلوب بالظبط ؟؟
انا موظف حكومي وعايز اسافر السعوديه واغير مهنة البطاقه من موظف الي مندوب مبيعات ايه الخطوات
السلام عليكم حضرتك غيرت المهنه ازاي انا موظف حكومي وعاوز لغيرها مندوب للسفر ازاي
أنا مدرس وحالي سفر للسعوديه بس التأشيره عامل عايز اغير البطاقه من مدرس لعامل
أنا أخدت أجازة تعاقد خارجي
عملت إيه عشان أنا واقع فى نفس المشكلة
انا طالب وجاتلي سفريه لازم اعمل البطاقه عامل ايه الورق اللازم واعمل ايه يريت الرد
عملت ايه عرفني لتغيرها لعامل
انا مهندس طلعت معاش و عايز اغير البطاقة الشخصية. اعمل ايه؟
أنا بشتغل نائب رئيس مجلس إدارة مؤسسة نبض العرب لتنمية والابداع مؤسسة اهليه تبع التضامن الاجتماعي. ومش مأمن عليا. موجود ختم المؤسسة عايزة أغير المهنة في البطاقة. ايه الاوراق المطلوبه
انا رخصتي ساريه مهنيه بس البطاقه شغل لشركه فحابب اخليها سائق هل لازم اختمها من التأمينات والا الرخصه تكفي وهي ساريه
انا موظف .. بس عاوز اشيل الوظيفة واضيف اخر مؤهل اللي هو ماجستير .. هل لازم اتفصل من التزمينات ؟؟
زوجي موظف حكومي و قرار ياخد اجازة بدون مرتب ويسافر لبلد عربيه بمهنه مختلفه كيفه يغير المهنه الحكومية الى اي مهنه ثانية يارب حد يرد عليا
لازم موافقة جهة العمل لتغير المهنة
هو دلوقتي اتوافق على الاجازة واخد جواب تنفيذي بالاجازة وقاعد وهو سأل حد من زميله عن تغير المهنه بموافقة الشغل قاله بلاش علشان الشغل هيخلي مسؤليته بيك هل دا حقيقي
عايز اغير البطاقه من حاصل على بكالريوس الى مهنه وغير مؤمن عليا
مهنتي بالبطاقة بدون عمل وعايز اغيرها لعامل عاري
تم اغلاق المكان و بدون عمل حاليا و اود عمل تغيير مهنه إلى حاصل على بكالوريوس و البطاقه المفروض تنتهى فى ٧/٢٠٢٣ هل يتجدد ام لهذه الفتره فقط و للعلم لم اصل للمعاش بعد . ما هى الإجراءات و الاوراق المطلوبه
انا معايا رخصه خاصه والبطاقه بتاعتى مثبوت فيها عامل .. وعايز اخلى ف البطاقه سائق خاص . ايه المطلوب منى من اوراق
انا عاوز اغير البطاقه لي طهي اي المطلوب
السلام عليكم
كنت عايزة استفسر عن شيء بخصوص التأمينات
أنا شغالة فى شركة خاصة قطاع خاص هل لو تم التأمين عليا من قبل الشركة هل لازم اكتب مهنتى فى البطاقة الشخصية هل ضرورى أن اكتب مهنتى فى البطاقة ام لا
هل من حق مديري ف العمل ان يرفض التوقيع ع تغيير المهنه ف البطاقه مع اني معي ما يفيد ورفضه عندما علم اني بجهز أوراق للسفر وكيف يتم التصرف؟
السلام عليكم
عملت سجل تجاري وبطاقة ضريبية
ومحتاج اعمل تحديث بيانات للبطاقة الشخصية
البطاقة الضريبية
النشاط تجارة الجملة غير المتخصصة
هتطلع البطاقة المهنة ايه
وهل محتاج تأمينات قبل البطاقة
ممكن حضرتك تقولي الخطوات
لو سمحت انا حاصله علي دكتوراه في فلسفه العلوم الزراعيه وكنت عامله البطاقه بالماجستير وميعاد البطاقه خلص والمفروض تتجدد بحاول اقدم بالدكتوراه يقولوا لا تطلع بنفس المؤهل الماجستير ازاي وانا حاصله علي مؤهل اعلي وعاوزه اضيفه ياريت توضيح ؟؟؟؟!!!!
مساء الخير استفسار بسيط أحتاج اغير مهنه في البطاقة الشخصية من سائق الي مهنه حرفيه او مهنيه لأي جهه أتوجه وشكرا جزيلا
تتوجة لمكتب العمل لعمل شهادة مستوى قدرات
انا مهعد سنتين تابع للتربيه والتعليم وليس التعليم العالي والمعهد ده مش موجود دلوقتي اتقفل عايز اضيف المعهد على البطاقه ما المطلوب
لو سمحتو انا مسافر السعوديه وطلبين مني اني اكتب عامل في البطاقه الشخصيه ورحت علشان اعملها قلولي لازم يكون مؤمن عليك ومش عارف اعمل ايه
السلام عليكم ورحمه الله وبركاته
انا بشتغل في شركة قطاع خاص ومش متامن علي .
ومتامنش علي في بل كده الا في شركة تانية لمدة ٤ سنوات
هل ضروري اجيب برنت التأمينات ولا يمكن الاستغناء عنه؟
ولكم جزيل الشكر.
انا حاليا موظف حكومي ومعايا عقد موثق من الخارجية المصرية والسعودية والقوي العاملة ينفع اغير مهنة بالبطاقة بالعقد وجواز السفر
انا مهندس بجهه حكومية وقدمت على معاش مبكر وتمت الموافقة
غلى انهاء خدمتى بالخروج على المعاش المبكر
ازاى اغير المهنة فى البطاقة
انا كنت عدلت بيانات الوظيفه بالبطاقه من حاصل علي ليسانس لغات وترجمه الي مدرس باسم المدرسه والان انا سيبت المدرسه وعايز اشيل اسمها من البطاقه وارجع تاني حاصل علي ليسانس لغات وترجمه اعمل ايه
لو المهنه حكومه هتحتاج إخلاء طرف
مش حكومه اصل المؤهل
بس
لو سمحت اخى حاصل على اخر مؤهل دراسي ثانويه وحاليا هو بالامارات مدير شركه وحابب يغير الوظيفه اي المطلوب او الخطوات
لو سمحت اخى حاصل على اخر مؤهل دراسي ثانويه وهو حاليا يعمل بالامارات مدير شركه كمان حاليا يدرس ماجستير وحابب انو يغير الوظيفه في البطاقه وجواز السفر اى المطلوب او الخطوات؟
بالنسبة للمهن النقابية الحرة: اما توقيع النقابة او كارنية ساري
لو سمحت انا اخدت مؤهل عالي اثناء العمل الحكومي هل ممكن اغير المؤهل فالبطاقه لان تغيير المهنه غير متاح لقفل باب التسويات بالحكومه
السلام عليكم ورحمة الله وبركاته
انا عايز أضيف مهنة بالبطاقة
وانا مش معايا مؤهلات دراسية
ولاكن انا اعمل الان مدير مطعم
وده شغلي ومهنتي وعايز
اثبت ده فالبطاقة