الفرق بين الإثبات بالكتابة و الثبوت بالكتابة  “مبدأ الثبوت بالكتابة”

الفرق بين الإثبات بالكتابة و الثبوت بالكتابة  "مبدأ الثبوت بالكتابة"

بالرغم ان المصطلحين قريبين من بعض، لكن بينهم اختلاف كبير

 أولا : الإثبات بالكتابة معناة :  –  معناه وجود دليل مكتوب على صحة واقعة معينة (سواء كان ورقي أو إلكتروني)، زي الشيك، أو عقد البيع ، أو تذكرة السفر أو شهادة الميلاد، أو كارنيه المحاماة …… إلخ
ولازم يكون الدليل ده “كافي بذاته لإثبات الواقعة” عشان نطبق قاعدة ((عدم جواز اثبات عكس الثابت بالكتابة بغير طريق الكتابة))

ثانيآ :  “مبدأ الثبوت بالكتابة” فمعناه: – ان معاك “دليل كتابي ناقص”!!!

زي ايه؟؟
زي ورقة مكتوبة بخط شخص، لكنها من غير امضاء (توقيع)
زي وقائع واردة في محضر اداري أو محضر شرطة
زي خطاب أو إخطار مرسل من شخص إلى شخص
زي بيانات مكتوبة في دفتر تجاري

كل الحاجات دي تعتبر (دليل كتابي غير مكتمل) بمعنى انها “بتقول ان في حق معين، لكنها مش موضحة قيمة الحق أو طرف من اطرافه)

– في معلومة مهمة في” مبدأ الثبوت بالكتابة”
لو المحكمة حكمت بإستجواب الخصم، و امتنع هو عن الحضور من غير عذر، فحكم الاستجواب ده بيعتبر” دليل كتابي ناقص” و يجوز وقتها للمحكمة انها تسمع الشهود أو تقبل القرائن اللي تكمل “الدليل الناقص” (حسب نص المادة ١١٣ من قانون الإثبات) .

من قضاء النقض : –
“عدم اعتداد الحكم بدفاع الطاعن بطلب إحالة الدعوى للتحقيق لإثبات سداده الأقساط السابقة بناء على ما قدمه من إيصال سداد لأقساط لاحقة باعتباره مبدأ ثبوت بالكتابة تأسيساً على خلو ذلك الإيصال مما يفيد الوفاء أو براءة الذمة أو احتمالية السداد . خطأ . علة ذلك . تطلبه في مبدأ الثبوت بالكتابة ما يتطلب في الدليل الكتابى الكامل”

(الطعن رقم ٤٣٣ لسنة ٧٥ قضائية – الدوائر المدنية – جلسة ٢٠١٤/٠٥/٠٦)

“مبدأ الثبوت الكتابة . له ما للكتابة من قوة في الإثبات متي أكمله الخصوم بشهادة الشهود . م 62 إثبات . ماهيته . عدم اشتراط بيانات معينة في الورقة لاعتبارها مبدأ ثبوت بالكتابة . اعتبار الورقة من شأنها أن تجعل التصرف قريب الاحتمال من سلطة محكمة الموضوع . متي أقامت قضاءها علي أسباب سائغة”

(الطعن 1995 لسنة 50 ق جلسة 16 / 5 / 1984 مكتب فني 35 ج 1 ق 256 ص 1333)

– الدليل الكتابي في الإثبات               – حجية الكتابة في الإثبات               –  مبدأ الثبوت بالكتابة في القانون العراقي
– الإثبات بالكتابة في القانون المصري                   – أحكام نقض فى الإثبات بالكتابة          – إثبات الدين بالكتابة
لا يجوز إثبات ما يخالف الكتابة إلا بالكتابة                           – طرق الطعن على الدليل الكتابي