You cannot copy content of this page

إجراءات ترخيص صيدلية و الشروط و الاوراق و المستندات المطلوبة لانهاء الترخيص بمصر.

إجراءات ترخيص صيدلية و الشروط و الاوراق و المستندات المطلوبة لانهاء الترخيص بمصر

 

اولا شروط ترخيص الصيدلية : -

۱ – أن لا تقل المسافة بين المكان المراد ترخيصه و أقرب صيدلية عن ۱۰۰ متر في أى اتجاه يعني مش لازم في نفس الشارع بل في أي اتجاه حتى لو كانت في شارع تاني.
۲- الاشتراطات الصحية المطلوبة
ا- ان لا تقل المساحة عن ٤۰ م۲ بعد خصم البروزات ( الأعمدة و الفواصل).
ب- ان لا يقل الإرتفاع عن ۲.۷ م لكامل مساحة الصيدلية يعنى لو فيه صندرة مثلا لازم يكون الارتفاع تحتها لا يقل عن ۲.۷ م
ج – أن يكون المكان مرتفعا عن مستوى الشارع أو الأرض المجاورة ( المحلات الملاصقة أو الرصيف)
د- أن لا تقل التهوية ( الأبواب والشبابيك) عن ۱/٦ المساحة يعنى لو المساحة ۳۰ م۲ يبقى التهوية المطلوبة ۵ م۲ يعنى لو فيه باب ۲ فى ۳ يفي بالغرض
هـ – توافر مصدر للمياة مع وجود حوض ستانلس او حوض صينى + رخامة بجواره مع عمل مرايا ( جزء اعلى الحوض والرخامة ) بالسيراميك بارتفاع ٦۰ سم
و- بالاضافة طبعا للبلاط و الدهان و التشطيب.

 

۳- بالنسبة للرسم الهندسى لابد ان يوضح علية الاتى :-

أ‌- قطاع رأسى يوضح ارتفاع المحل وعدد مستويات الارضية .
ب‌- قطاع افقى يوضح عليها تقسيم المحل وابعاده والاعمدة وفتحات التهوية والابواب الخاصة بالصيدلية والفاترينات الثابتة على الابواب و الحوض والمرحاض وحوائط دورة المياة والطرقة وطريقة الصرف
ج- واجهة تبين ابواب المحل وموقع المحل وترتيبة بالنسبة لمدخل العقار .
د- رسم كروكى يبين فيه موقع المحل بالنسبة لاقرب صيدلية وطريقة الوصول اليها .

٤- يجب عمل لافتة نهائية موضح عليها الاسم التجارى الموافق علية من النقابة الفرعية .

 

المستندات المطلوبة

مستندات ترسل بالبريد المسجل بعلم الوصول:
-صورة بطاقة تحقيق الشخصية
-صحيفة عدم وجود سوابق (حديثة)
-أصل شهادة الميلاد او مستخرج رسمي لها
-رسم هندسي للموقع المراد منحه الترخيص من ۳ صور (مستوفي الدمغة و بمقياس رسم ۱ – ۱۰۰ )
-ايصال سداد رسم النظر ( حوالة بريدية بخمسة جنيهات باسم إدارة الصيدلة مديرية الشئون الصحية ب( محافظة .........)

 

مستندات اخرى للتقديم لاحقا:
-شهادة من الوزارة بعدد الصيدليات التي يمتلكها ( اثبات انه لا يمتلك اكثر من صيدليتين ).
-شهادة بأن الصيدلي غير مكلف و لا يعمل بالحكومة و القطاع العام ومضى على تخرجه اكثر من عام في مزاولة المهنه في مؤسسه
حكومية او اهليه (مالم تكن قد آلت اليه الملكية عن طريق الميراث)
-ما يثبت القيد في نقابة الصيادلة
-ما يفيد حيازته للمكان المراد ترخيصه
-شهادة من المحليات تفيد تركيب عداد مياه و كهرباء (باسم طالب الترخيص)
-شهادة قيد لفتح صيدلية من النقابة العامة بعد الحصول على موافقة النقابة الفرعية.
-ما قد تطلبه الادارة من مستندات اضافيه بعد المعاينه
تلتزم الادارة بالقيام بالمعاينه و ابلاغ طالب الترخيص بالرأي في مده لا تتجاوز ۳۰ يوم .ويعتبر الطلب في حكم الموافقه اذا مر ۳۰ يوم دون ابلاغ طالب الترخيص بالرفض .

 

كما تزود المؤسسات الصيدلية بآلاتي:-

۳ دفتر صيدلية من الفجالة أو من النقابة لو متوفر
قانون الصيدلة
-۵ جنيه رسم نظر يسدد في حواله بريدية

٤ أختام كالتالى :-
ختم يحمل ” اسم الصيدلية وعنوانها “
ختم يحمل” اسم الصيدلية سموم“
ختم يحمل” اسم الصيدلية مخدرات“
ختم يحمل” اسم الصيدلية أدوية تالفة“
ثلاجة
طفاية حريق لا تقل عن ٦ كجم
دستور الأدوية

 

15 Comments

  1. يقول مهندس / عصام سالم:

    جزاكم الله خيراً

  2. يقول Noura:

    الورق اللي بعته اول مرة كان ناقص صورة البطاقة المفروض أتصرف ازاي عشان المظروف ما يترفضش

  3. يقول خالد:

    هل يقبل ترخيص صيدلية فى مبنى غير مرخص

  4. يقول عصام صالح:

    اذا المكان ترخيصه اداري او طبي يعني مش تجاري

    هل فيه مشكله لترخيصه صيدليه ؟

  5. يقول خالد صفوان:

    السلام عليكم
    كم عدد المعينات الرسميه
    فيه ناس بتقول ٢ و فيه ناس بتقول ٣ معاينات
    ومنين بنجيب كل الدمغات المتنوعة ديه
    ودستور الادويه معدش يباع حتى فى النقابه العامه
    منين نجيبه ؟؟
    وبالنسبه للأختام لازم تطلع بعد السجل التجارى الصيدليه بعنى بعد الموافقة على المعاينه -لانى وحت اعمل الأختام قالى لازم اصل السجل التجارى
    وشكرا

  6. يقول Ahmed mahmoud:

    الاجراءات والأوراق المطلوبة لخريجي علوم
    يريد فتح صيدليه

  7. يقول Eman Hamed:

    لو الكهرباء بتعمل مقايسة و مش بتركب عداد هل في مشكلة

  8. يقول محمد حسام:

    السلام عليكم
    انا حاليا ف السعودية
    هل ينفع اعمل لاخويا توكيل انه يمشي ف اجراءت الترخيص ؟
    ولو انا هتاجر هل اكتب عقد مع المالك قبل ماقدم ورق المعاينة الاول ؟

    • يقول ahmed:

      يجوز اجراءات الترخيص بموجب توكيل خاص بترخيص صيدلية وتحدد وتزكر عنوانخا بالتوكيل .

      لازم تحرر عقد الايجار العقد الاول .

  9. يقول هاني علي:

    انا مستثمر. لازم الصيدلية تكون بإسم الصيدلي. او انا مالكها وهو يشتغل فقط

  10. يقول سارة اسامة:

    هل يجوز استخدام توكيل عام في فتح وغلق الصيدلية ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Howdy,
Search exact
Search sentence
Ad1
Ad2