You cannot copy content of this page

إجراءات رفع جنحة إيصال أمانة

 إجراءات رفع جنحة أيصال أمانة

 

 

* إجراءات رفع جنحة إيصال أمانة أو إجراءات رفع قضية إيصال أمانة.

- يمكن هذه القضيه ان ترفع عن طريقين : -

 

اولا : -  محضر شرطه

۱- تاخذ التوكيل الصادر لك وصوره ضوئيه منه مصور عليها فى الخلف صوره كارنيه المحاماه الخاص بك
۲- اصل ايصال الامانه و صوره ضوئيه منه
۳- تذهب الى القسم التابع الى عنوان المشكو فى حقه ( يعنى عنوان اللى انت هتشتكيه وتشوف تابع الى اى قسم وتعمل المحضر هناك )
وتبداء تعمل المحضر واهم حاجه توضيح العنوان علشان ده هتحتاجه بعدين
٤- محرر المحضر ياما هيديك رقم الجنحه على طول ياما هيديك رقم احوال فى حاله رقم جنحه على طول انت خلصت قسم الشرطه وفى حاله رقم احوال تاخذ رقم الاحوال وتنتظر حوال من ۵ الى ۱۰ ايام وتذهب الى القسم فى الارشيف وتقوله على اليوم اللى انت عملت فيه المحضر ورقم الاحوال وهيديك رقم القضيه
۵- اول مارقم القضيه بقا معاك الشغل كله فى المحكمه تذهب الى النيابه التابع لها القسم الذى تم تحرير المحضر امامه وتسال عن حجره الجدول وتسال برقم القضيه على الجلسه صحيح انا نسيت اول متاخد رقم القضيه تصبر حوال ۱۰ او ۱۵ يوم وبعدين تسال فى الجدول على الجلسه لان القضيه فى الفتره ديه بتبقا معروضه على النيابه فحتى لما تسال الجدول فى فتره اول ۱۰ ايام هيقوللك لسه فى العرض فمتتعبش نفسك وروح اسال بعد ۱۰ او ۱۵ يوم وتاخد جلسه.

 

ثاني : - جنحه المباشرة

 

وهذه الطريقه الثانيه
۱- عريضه دعوى جنحه تبديد امانه وتملى البيانات او الفرغات اللى فيها
۲- التوكيل الاصل وصوره التوكيل مصور عليه الكارنيه المحاماه
۳- اصل ايصال الامانه
٤- ملف دعوى وحافظه مستندات
۵-البطاقه الضريبيه
٦- تاخد العريضه والتوكيل والملف والحافظه وتذهب بيهم الى الميكروفيلم وتاخذ ايصال ميكرو فيلم
۷- تذهب الى رئيس القلم التابع الى النيابه المختصه ( يعنى عنوان اللى انت هتشتكيه ده فين وتشوف النيابه التابع لها هذا العنوان )
۸- رئيس القلم سيكتب لك على عريضه الدعوى الرسم
۹- تذهب الى الخزنه وتدفع الرسم
۱۰ ترجع تانى الى رئيس القلم سيعطى لك تاريخ الجلسه ويكتبهالك على عريضه الدعوى ويختم العريضه وهياخد منك الملف كامل ويعطيك العريضه فقط مختومه
۱۱- تصور العريضه ٤ نسخ وتختم النسخ ايضا من عند رئيس القلم
۱۲- تذهب الى المحضريين وتقدم لهم العريضه والصور
۱۳- بعد كده تاخد العريضه وتذهب الى القسم لتقيد برقم جنحه من القسم
۱٤ - بعد كده اول جلسه

______________________________________________
وديه طريقه رفع الدعوى بالطريقتين جنحه مباشره او محضر شرطه بالنسبه الى محضر الشرطه انت مش مطلوب منك انك تحضر اول جلسه لكن فى الجنحه المباشره لازم تحضر اول جلسه لتقديم ايصال الامانه.

 

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Howdy,
Search exact
Search sentence
Ad1
Ad2