- للاستشارات القانونية
- 01103004317
- +201220615243
- info@lawyeregypt.net
إجراءات عمل محضر سب وقذف علي الفيس او اي موقع للتواصل الإجتماعي او اي اساءة بشتى صورها
إجراءات عمل محضر سب وقذف علي الفيس او اي موقع للتواصل الإجتماعي او اي اساءة بشتى صورها
١- كيفية إجراء عمل المحضر وما هي الجهة المختصة ؟
إذا تم السب أو القذف عن طريق تطبيق ((الفيس بوك)) فيتم تحرير المحضر عن طريق مباحث الانترنت وهي الجهة الوحيدة المختصة بهذا الأمر، وإذا تم السب عن طريق تطبيق الواتس آب مرة أخرى عن ذات الشخص يتم تحرير محضر في نفس الجهة ويتم قيده برقم ملحق الرقم الذي تم قيده سابقاً على هذا المحضر.
أما إذا تم السب عن طريق تطبيق ((الواتس آب)) بدون تطبيق ( الفيس بوك) يتم تحرير المحضر في مباحث للإتصالات فقط وهي الجهة المختصة الوحيده بهذا الشأن .
٢- كيفية تحرير المحضر : -
وهذا الأمر مهم جدا لأن الخاطئ الأول والأخير به هو المحامي لأنه لابد وأن يتم تحرير المحضر عن طريق الشاكي فقط أو وكيله الخاص فقط وفي خلال مدة أقصاها ثلاثة أشهر وما الدليل على هذا الكلام نص المادة الثالثة من قانون الإجراءات الجنائية، و لأن هذا الأمر خطير جدا سنذكر حكم محكمة نقض على هذا الأمر والتي قضت أنه :-
«إن المادة الثالثة من قانون الإجراءات الجنائية نصت على أنه لا يجوز أن ترفع الدعوى الجنائية إلا بناء على شكوى شفهية أو كتابية من المجني عليه، أو من وكيله الخاص إلى النيابة العامة أو أحد مأموري الضبط القضائي في الجرائم المنصوص عليها في المواد ١٨٥و٢٧٤و٢٧٧و٢٧٩و٢٩٣و٣٠٣و٣٠٦و٣٠٨ من قانون العقوبات،وكذلك في الأحوال الأخرى التي ينص عليها القانون ولا تقبل الشكوى بعد ثلاثة أشهر من يوم علم المجني عليه بالجريمة وبمرتكبها ما لم ينص القانون على خلاف ذلك ...»-بحسب «رسلان»-.
(الطعن رقم١٦١٨ لسنة٥٣ق جلسة ٩/١١/١٩٨٣ س٣٤،ص٩٢٧)
٣- ما الإجراءات التي تتم في مباحث الانترنت؟
وما هي سلطات النيابة العامة؟
يتم تحرير محضر بعد ما يتم الذهاب إلى مباحث الانترنت مع صورة من التوكيل الخاص وصورة من كارنية المحامي وصورة اسكرين شوت لما تم من سب أو قذف متضرر منه ويتم تحرير المحضر عن طريق ضابط الشرطة المختص ويتم اعطاؤك رقم السؤال عن هل تم إيداع تقرير فحص فني في المحضر المحرر من قبل المجني عليه أم يتم الانتظار إلى حين إيداعه، واذا تم إيداع هذا التقرير يتم ايصال المحضر إلى قسم الشرطة المختص لقيد المحضر بدلاً من رقم أحوال الى رقم جنح مثل أي محضر تم تحريره ويتم إيصاله إلى النيابة العامة لإتخاذ الإجراءات القانونية اللازمة حيال الواقعة ويتم العرض على وكيل النيابة المختص ويتم تحديد ميعاد جلسة له وهنا لابد وأن يتم التركيز جيدا من المحامي بين ما إذا كان القيد والوصف على المادة (٣٠٦) من قانون العقوبات أم انه تم قيده ووصفه طبقا لنص المادة (٧٦) من القانون رقم ١٢٠لسنة٢٠٠٨ والخاص بإنشاء المحاكم الاقتصادية .
- عنوان الإدارة العامة لتكنولوجيا المعلومات
- تقع الإدارة العامة لتكنولوجيا المعلومات بديوان عام وزارة الداخلية، في التجمع الأول، بالقاهرة الجديدة.
- التواصل
ويمكن للمواطن التواصل مع مباحث الانترنت عن طريق الاتصال بـ” الإدارة العامة لتكنولوجيا المعلومات” على الرقم “۰۲۲٤۰٦۵۰۵۲ -۰۲۲٤۰٦۵۰۵۱” أو الخط الساخن “۱۰۸” بإدارة مكافحة جرائم الحاسبات.
أرقام مباحث التليفونات العامة : -
۲۵۷۷۱۷۵۵ / ۲۵۷۹۸۱٦٦
رقم مباحث تليفونات شرق القاهرة: ۲۲۹۰٤۲۲٤
عنوان مباحث تليفونات شرق القاهرة: في مبنى سنترال الماظة الدور الرابع، قدام كوبري النزهة
- العقوبه هي عقوبه الجنحه .
يعني اي حد يتشتم او يحدث له اهانه او يهدد او ابتزاز ع الوتس او الفيس او اي موقع تواصل بيتظبط غير الكفاله بقي والحبس وممكن غرامه .
70 Comments
كيف اتنازل عن محضر عملته فى مباحث الانتر نيت ……بعد ان اكتشفت ان الشخص اللى سرق اميل ابنى وهدد ابنى وابتزه وطلب فلوس شاب صغير ولا اريد ضياع مستقبله
مش عارف الاجرات او القرار الصحيح عندى اولاد وخايف مستقبله يضيع …محتاج نصيحه رجاء
كيف اتنازل عن محضر عملته فى مباحث الانتر نيت ……بعد ان اكتشفت ان الشخص اللى سرق اميل ابنى وهدد ابنى وابتزه وطلب فلوس شاب صغير ولا اريد ضياع مستقبله
مش عارف الاجرات او القرار الصحيح عندى اولاد وخايف مستقبله يضيع …محتاج نصيحه رجاء… كيف اتنازل عن المحضر
بتروح تتنازل عن المحضر فى مباحث الانترنت
اذا كنت مجنى عليه و يتم التصنيع عنى على مواقع التواصل الاجتماعى و لا اريد ان اهكر التلفون أو صفحة الانستجرام ولكن اعلم علم اليقين أن فلان يسمع عنى ماذا افعل
لو حد شير رقمي على الفيسبوك بدون علمي كنوع من الابتذاذ ينفع إني أعمله محضر؟
كتب جنب الرقم اية أو أية السبب فى تشير الرقم
في ايميل في المنطقه غير معروف بيتكلم باسمي وباسم غير وعايز اعمل محضر وعرف ده مين لانه بيتكلم كلام سيئ جدا
اعمل محضر فى مباحث الانترنت
طيب ازاي اعمل محضر
فيه اكونت علي الانستجرام معمول بصورتي وببعت فولو صحابي وقبلها الاكونت القديم اتهكر وبعت رسالة لاختي ع الانستجرام برضو هل لو عملت محضر فيه حاجه هتحصل ومعايا اسكرينات ولينك الصفحه دى
اعملى محضر فى مباحث الانترنت
فى حد ارسلت له صوره ليا عاديه بالخطأ وهو هددنى أنه هيعمل بيها فيديو وحاجات مش كويسه بس مش على فيس بوك ولا واتس اب ايه الاجرات
اعمل فية محضر ابتزاز بمحادثات التهديد بنشر وصناعة فديوهات بالصور
فى شخص شتمنى على الماسنجر بس انا معرفوش شخصيا
هل اطبع الكلام بتاعه واروح لمباحث الانترنت إللى فى العباسية ولا اعمل ايه
اعمل محضر فى مباحث الانترنت فى العباسية ( كلية الشرطة القديمة )
حد شتمتى واتس اب ولا اعرف اسمه بالكامل ولا عنوانه
اعمل محضر فى مباحث الانترنت بصور المحادثات
لو حد معاه صور وفيديوهات تخصنى وبيهدد بيها اعمل ايه عشان تتمسح من عنده ومن غير ماحد من أعلى يعرف ارجو المساعدة ضرورى
اعمل لية محضر ابتزاز
لو حد قذفني وشتمني وبيهددني وحاليا حسابه معطل هل مباحث الانترنت تقدر تجيبه وله لا طول ماالحساب معطل
لو حد شتمتي او ابتزني برقم خارج مصر رقم سعودي ولا اعرف الشخص عن طريق الواتس اب هل يجوز البلاغ
هيكون صعب اتخاذ اجراء قانونى ضدة طلامة رقم مش مصرى
لو في واحد بيبتزني بشات وكل شوية يدخل يقول كلام قذر ويبعت حاجات مش كويسة اعمل اي عشاان امسح االشات من غير م حد م اهلي يعرف
أعمل فية محضر فى مباحث الانترنت
دلوقتي انا اللي بيشهر بالصور اللي سارقها من موبايلي ع الفيس والانستا وروحت القسم وقالولي تروح سنترال ألماظة وتعمل محضر .. هل دة صح وانا معييش ارقامهم !!؟
مباحث الانترنت فى العباسية ( أكاديمية الشرطة القديمة )
عايز اعمل محضر في واحد نصب عليا في 600جنية
حرر محضر فى قسم الشرطة التابع للمتهم
انا عملت محضر والمحضر مشي وراح دمياط وانا عايز اتنازل عليه عشان الشخص المتهم طلع شاب صغير ومش عايز اضيع مستقبله اتنازل فين
كنت اعمل مع مدير مستبد وقدمت استقالتي عن طريق الواتساب واخدت مستحقاتي وبعدها بشهر كتب عني ع الفيسبوك بذكر اسمي شخصيا وقال اني رفدتها وانا مكنتش عايز افضحها وكلام ما شابه وقال اني كنت مرفوده في شركه تانيه من سنين.. وعايزه اخد حقي لانه شهر بيا في دايرة شغلي وهيأثر عليا ايه الاجراءات اللي اتخذها وهل من الممكن اطالبه بتعويض مادي لان كلامه هتضرر منه
هل التلقيح بالكلام علي الفيس بوك من شخص مع عدم زكر اسمي لهة أجرأ قانوني
طالما لم يتم ذكر اسمك فلا يوجد جريمة …ولا يجوز ليك رفع دعوى جنائية ضد هذا الشخص
هل لو الحساب تم حذفه مؤقتا ولم استطع الوصول إليه ولم يعد يفتح الحساب مرة أخرى هل يمكن لمباحث الانترنت أن تصل إلى هذا الشخص ام لا
اسال فى مباحث الانترنت
شخص سرق خط الموبيل وعمل بيه واتس اب وشتم عميل عندي وانا اكتشفت ان الخط اتسرق لما رجعت من الاجازه وروحت عملت محضر إثبات حاله ان الموبيل اتسرق هل في ضرر عليا لان العميل عمل محضر
لو عملت محضر اثبات الحالة قبل محضر العميلة هايعتد بية ولكن لو بعدة يبقا تحصيل حاصل
هناك حساب نشر عني اشياء ولكن مزكرش اسمي
ولكن لمح تلميح بمكان عملي
هل ممكن استطيع عمل محضر له
وهل تستطيع مباحث الانترنت التعرف عليه؟
طلامة لم يذكرك مباشر لا يوجد اتهام علية
سواق أوبر شتمني و انا محتاجه اعرف ايه الاجرأت الازمه و معايا سكرين شوت بالشتيمه
حرر محضر فى مباحث الاتصالات
انا عملت محضر سب وقذف عن طريق الواتس اب وفي مباحث الانترنت و هيتم تحويلة الي القسم علشان ياخد رقم بس الموظف الاداري قالي انه هياخد رقم اداري مش حنحة ازاي ؟
بيتحفظ وبعد كدة بتتظلم وبينزل جنحة لو فى سب وقذف فى الرسالة
في رقم شتمني عالواتساب من رقم دولي و كل شوية يبعتلي من ارقام دولية و اعملوا بلوك ، بس اخر مره شتمني كتير و انا شتمتوا و عملتلو بلوك تاني، جه شتمني تاني انهارده ب اسوق الشتايم من رقم دولي بردو ، و اظن ان هو ارقام مفبركة او وهمية هو عملها لان مش مقتنعة ان يبقا عندوا كل الارقام الدولية دي بس انا متاكده انه عايش في مصر مش من بره، هل اقدر اعمل محضر ضد رقم دولي ؟ و هل هيقدر يعمل محضر سب و قصف قصاد المحضر بتاعي عشان انا بردو شتمتوا بس من رقم تاني قبليه ، لاني عملت محضر ضد رقم الهو اخر واحد ؟ اعمل محضر ضد كل الارقام بتعتوا ولا رقم واحد؟ و هل هو كده ينفع يعمل محضر ضدي عشان انا رديت عليه بالشتيمة ولا لا؟، انا مش عارفه اعمل ايه بس فعلاً هو كل يومين تلاته يكلمني يشتمني من ارقام دولية
توجهى لمباحث الانترنت اللى تابعهة ليها ( تبع محافظتك ) وحررى محضر ولو الارقام من مصر هايتوصلو اليها .
لو حد شتمنى ع موقع صراحه ومسح الشتيمه ونا اخدت اسكرين ينفع اعمل محضر ويعرفوا مين
ينفع تعمل محضر
لو واحد شتمني وقفل الحساب ينفع اعمله محضر
لن تستطيع مباحث الانترنت من الوصول لصاحب خط التليفون ؟
في عميله عندي دخلت علي كذا جروب وبتشهر بيا وبصفحة المحل وبتغلط فينا وبتشتم بسبب مشكله بينا وبينها .هل مباحث الانتر نت هتجبلي حقي ولا هعمل المحضر وزي قلته
مباحث الانترنت بتبحث وبتنزل اللى باسمة الحساب للمحكمة
حد شتمنى على الواتس بتسجيل صوتى بكلام على المتغطى فيه اساءة لاهل بيتى بدون زكر الاسم فهل ينفع اعملهم محضر سب وقذف
لازم السب والقذف يكون لشخصك بشكل واضح
حد بيعمل صفحات وهميه عالفيس يدخل يكلم خطيبتي ويقول انه هايعرفني انها خاينه وفي صفحه منهم كلمتني بردو وقالت نفس الكلام بس مافيش شتايم او الفاظ خارجه وكل الصفحات دي اتقفلت هل مباحث الانترنت تقدر توصله
لو مسجلة برقم محمول ممكن يتوصلو
حد شتمني ع التليجرام وحذف الاكونت علطول ومفيش اسم ولا رقم تليفون.. هل ينفع أعمل محضر و هعرف أوصله؟
في واحدة شتمتني بألفاظ مش كويسة على واتساب في ريكوردات وهددتني هل اروح اعمل محضر فين؟!
مباحث الانترنت
واحد اعرفه بعتلي رساله مسجله فيها شتايم و تهديد عن طريق رقم امارتي و هو مقيم في مصر
اعملى فية محضر فى الشخص طلامة عرفة بشخصة
كنت ببعت رساله معينه لشخص فموصلتش الرساله كامله ووصل معاها جزء من رساله قديمه كنت بعتاها لنفس الشخص مش عارفه ده حصل ازاي ارجوك تفيدني
كنت بكتب رساله لشخص وبعتها المشكله انها موصلتش زي م انا كتباها ووصل معاها كلام تاني انا مكتبتهوش مش فاهمه ده ممكن يحصل ازاي واعمل اي
انا سبق واتهمت فى ٥ قضايا محكمة اقتصادية واخدذت احكام وكنت مسجون ٣ شهور وطلعت باحكام وكفالة وغرامة ودلوقتى بعد ما مر سنة ع الموضوع وصلنى شات واتس بين اتنين انهم هما اللى ورا تلفيق التهمة وانهم فبركوا ليا شات وبعتوه للمدعين . هل دلوقتى اعمل بيه محضر والا طالما عدى عليه سنة مبقاش ينفع ؟
انا سبق واتهمت فى ٥ قضايا محكمة اقتصادية واخدذت احكام وكنت مسجون ٣ شهور وطلعت باحكام وكفالة وغرامة ودلوقتى بعد مامر سنة ع الموضوع وصلنى شات واتس بين اتنين انهم هما اللى ورا تلفيق التهمة وانهم فبركوا ليا شات وبعتوه للمدعين . هل دلوقتى اعمل بيه محضر والا طالما عدى عليه سنة مبقاش ينفع ؟
أعمل محضر لو هاتقدر تثبت الارقام اللى صدر منها الشات والمحادثات
لو حد نصب عليا ف مبلغ ٨٠٠ جنيه حولتهم ليه ع رقم مش بتاعه اصلا و الشات مبينا اتمسح مع العلم ان المبلغ زي رشوه كده عشان يخلصلي حاجه
لو حد نصب عليا ف 500 بسبب ان هو هيبعتلى تلفون وكدة يعنى وان عشان المندوب يجيلى وجيه ولا شوفت المندوب ولا ف حاجة اتبعتت وبيقولى لا دة لازم 500 تانين عشان الاوردار يكمل لكن غير كده مش هينفع الاوردار يطلع هل ينفع اقدم ف محضر ولا مينفعش
لو حد كلمني وشتمني باكاونت مش معروف ومعرفش مين الشخص ده على تويتر وبعدها الحساب اتحذف من تويتر نهائي، ممكن مباحث الانترنت تيجبه؟
طلامة الحساب اتمسح بيكون صعب الاستدلال عن مالك الحساب
عملت محضر فعلا في مباحث الانترنت وبعدها بشهرين روحت اسئل في النيابه قالي تم حفظ المحضر علشان تحريات المباحث لم تستدل عالواقعة
هل الكلام ده قانوني ؟
فى أغلب المحاضر ببتحفظ ….. وبتقدم تظلم للمحامى العام