You cannot copy content of this page
هل يستحق الحفيد أن يرث جده اذا مات ابوه قبل جده ؟
تقضي بعض القوانين الوضعية ومنها القانون المصري رقم (43) لسنة (1946م) في المادة (76) أخذًا من بعض المذاهب الفقهية تحقيقًا للعدالة بين الأبناء: بوجوب الوصية لفرع ولده الذي مات في حياته إذا لم يكن الفرع وارثًا، وأن تكون الوصية بمثل نصيب الابن المتوفى بشرط ألا يزيد عن الثلث، فإذا لم يوصِ الجد لفرع ولده رغم توافر الشروط، اعتبر الفرع وارثًا بمقتضى القانون بمثل نصيب والده، أو بمقدار الثلث أيهما أقل.
( مثال للتوضيح)
تهامى ( الجد ) عنده ٣ اولاد و٤ بنات و أحد أولاده اسمه ( ابراهيم ) توفى (ابراهيم قبل أبوه ( تهامى ) فهل يحق ( لمحمد بن إبراهيم ) أن يرث فى جده مع أعمامه وعماته عندما يتوفى الجد ؟
الإجابة باختصار هنا اختلف الدين مع القانون للاسف
فى الدين :-
لا يحق الحفيد الورث لوجود الاعمام ( طبقا لقاعدة الأقرب يحجب الابعد )
فى القانون :-
يحق للحفيد أن يرث ( ما كان قد يرثه ابوه لو كان عايش ) بشرط ألا يتجاوز ذلك الإرث ثلث التركة ( ثلث الميراث ).
فلو كان الاب هيرث( لو كان عايش) اكثر من التلت يبقى ينزل نصيب الحفيد للثلث فقط ( ما لم يوافق جميع الورثة أنه ياخد اكتر من التلت ).
ولو كان نصيب الاب لو عايش اقل من التلت يبقى بياخد الحفيد نصيب أبوه بالظبط وتسمى هذه الحالة فى القانون ( الوصية الواجبة ) .
مع الاخذ فى الاعتبار لو كان الجد أوصى للحفيد بوصية كجزء من الاملاك بدون مقابل ( شقة مثلا بدون مقابل ) فالاصل حينها لا يرث الحفيد وذلك تحت مسمى ( لا وصية لوارث ).
ولكن إذا كانت الشقة تمنها اقل مما كان يرثه الحفيد فسياخذ الحفيد من الورث ما يكمل به نصيبه ( اللى هو ف الأصل نصيب أبوه).
اما فى الدين فلا ورث للحفيد اذا وجد عم لان العم أقرب للجد المتوفى فيحجب الاقرب الابعد من الورث.
3 Comments
حفيد واحد فقط هل نصيبه أكثر من عمته حيث لديه خمس عمات وعمين اثنين حيث توفي ابوه قبل والديه كم نصيبه من ورث جدته
نصيبة لا يجب أن يتعدى الثلث
السلام عليكم ورحمه الله وبركاته انا مصطفى عاطف والدي توفى سنه 1996/14/2 وجدي لسه عايش عمره يتجاوز ال 95 عام ولي ثلاث اعمام واثنين عمات ولكن جدي مش راضي يديني حقنا رغم اني ابي كان داينو بحقي 10 قراريط كان ياخذ الحق القراريط سلفا ولم يرد هم ثم جاء الاجل وابي توفاه الله انا حاليا مساكن من ما توفى ابي وامر بظروف صعبه جدا ومعي والدتي مريضه امراض كثير وعجزه في نفس الوقت لا تستطيع ان تتحرك حركه في دقيقه واحده افتونى اعمل ايه هم مبسوطين و عندهم فلوس واللي في الحكومه واللي في دي واللي ده وانا متبهدل انا واخواتي اعمل ايه لا راضي يدينا حق ارض ستي اللي هو كم مطلقه وبصي ما ابويا على حقها وكان مديون لي ولم يرد الدين و ما بيحبنيش وبيتخانق معنا كل ما نروح له يقول لنا انتم جايين هنا عشان تورثوني اعمل ايه ولا ينفع احجبه ولا ينفع اجيب منه بالقانون الا بعد وفاته ثم هو ممكن يبيع الاملاك لغيره بيقولوا ان الله حرم ان الحفيد ياخذ وابوه متوفي لكن الحفيد بيبقى محتاج اكثر ما ابيه بيبقى عايش بعد وفاه الاب طبعا بيبقى محتاج ل فلوس وده وده وده عشان يقدر يمارس الحياه بلاقي الدنيا بتشيلو بتحط فيه بكل الاتجاهات ايه الحل في موضوع شكل ده هل ليه حل اكيد ما لهوش حل اكيد اكيد يعني انا تعبت من كثر السؤال في الحاجات دي مش عارف اخذ حقي وهو على قيد الحياه ايه اللي يمنع لحفيد وهو بيبقى محتاجه اكثر ما ابيه بيبقى عايش لانه بيبقى اتحرم من كل شيء مفروض الدين والشرع قناه رجعوا في الكلام ده دي اهم قضيه في العالم ان الحفيد بيبقى محتاج لرعايه وحضن دافئ مش لحضن قاسي توفي ابويا سنه 1996 وكان عمري سبعه اشهر واخي كان عمره سنتين واخي كان عمره 9 سنين هل من استحق الرعايه من جد يملك عقارات واراضي فين الرحمه فين الرحمه فين الرحمه حسبي الله ونعم الوكيل وشكرا والسلام عليكم ورحمه الله وبركاته