هل تعلم ما هى أنواع الشركات ....؟

الاجابة

اولا ايه هو تعريف الشركه وقبل مانعرف الشركه عايز الفت نظركم لحاجه اسمه منشأه فرديه ودى بتكون لفرد واحد فقط ومتعتبرش شركه … ماعلينا نرجع لموضوعنا .

الشركه هى :- عقد يلتزم بمقتضاه شخصان او اكثر ، بأن يساهم كل منهم فى مشروع يستهدف الربح بتقديم حصة من مال او عمل لاقتسام ما قد ينشـأ من ربح او خسارة ( تعريف قانوني ).يعنى من التعريف كدة ( المنشأة الفردية مش شركة ) ودى اللي بيكون صاحبها شخص واحد ومن هنا ورايح بلاش نقول علي المنشأة الفردية شركة.
والشركات ياجماعه بتنقسم الى نوعين شركات اشخاص وشركات اموال تعالو نشوف كل نوع بينقسم لكام نوع وتعريفه ايه ….
اولا شركات الاشخاص:-بيكون ليها عنوان مستمد من اسم واحد او اكثر من الشركاء المتضامنين و تقوم على الاعتبار الشخصي وتتكون من عدد قليل من الاشخاص وتنحل الشركة عند وفاة احد الشركاء او الحجر عليه او افلاسه او انسحابة من الشركة ، كما انه لا يجوز التنازل عن الحصة الا بموافقة جميع الشركاء وخد بالك إن الشريك هنا لازم يكون كامل الأهليه يعني ( بالغ وعاقل) والنوع ده من الشركات بينقسم الى :-

1. شركات التضامن : ويكون الشركاء فيها متضامنون في جميع اموالهم عن ديون الشركة ويكتسب كل شريك فيها صفة تاجر.

2. شركات التوصية البسيطة ( كأنها شركتين فى بعض ) واحدة تضامن و الثانية مساهمة فيها نوعين من الشركاء • شركاء متضامنين ( بالظبط زي الشركاء فى شركة التضامن ) فى حقوقهم و التزاماتهم.  شركاء موصيين ( لا يسألوا عن ديون الشركة إلا فى حدود حقهم فيها وملهمش دخل بالادارة و النوع ده من الشركات يمكن الموظفين من استثمار اموالهم لأن اسمائهم مش بتظهر فى السجل التجارى و حصص الشركاء الموصيين بتاخد شكل الاسهم وتتداول بالطرق التجارية بالظبط زي الشركات المساهمة )

3- شركه المحاصه : وهى عبارة عن شركة بين اشخاص تقوم بينهم لتحقيق هدف معين ثم التصفية بمجرد تحقيق الهدف.

ثانيا شركات اموال :-تقوم على الاعتبار الشخصي بل الإعتبار فيها هو الأموال والنوع ده بينقسم الى : –

1- الشركات ذات المسئولية المحدودة : ( واضح أوي من اسمها أن مسئولية الشركاء محدودة عن ديونها في حدود حصتهم فيها)

2- شركة التوصية بالاسهم : ( نوع مختلط بين التضامن و المساهمة )ده شكل من الاشكال بيكون فيها نوعين من الشركاء• شركاء موصون بيسألوا بمقدار الحصص اللي بيقدموها وبس و حصصهم بتكون فى شكل اسهم قابله للتداول.• شركاء متضامنون زيهم زي اي شريك متضامن فى اي شركة تضامن.

3- شركة مساهمةخد بالك الاعتبار هنا مالى وبس • بيكون راس المال فيها اسهم متساوية القيمة و قابلة للتداول وكل حامل للسهم ( يعتبر شريك فى الشركة )• مفيش حاجه اسمها لازم موافقة الشركاء عند بيع الاسهم او التنازل عنه• المؤسسين ليها مينفعش يقلوا عن (3)• المسئولية فيها بحدود الحصة فقط ……….

اوعي تنسى أن : – اي شريك متضامن في اي حته يعتبر تاجر الشريك الموصي مش بيديرمفيش شركة اقل من اتنين شركاء من النهاردة الفردي مش شركةفي شركات الأموال خروج مساهم مبيأثرش عليها عكس الأشخاص بيؤدي لحلهاالشركة المساهمة الحد الأدني لرأس مالها جنيه ….

شركة الشخص الواحد : – وهى شركة مستحدثة طبقا لقانون الاستثمار رقم 72 لسنة 2017 وهى