إجراء عقد بيع سيارة مسجل

“تعرف على خطوات إجراء عقد بيع سيارة مسجل في الشهر العقاري لعام 2026. اكتشف الأوراق المطلوبة، الرسوم المقررة، والفرق بين العقد المسجل والتوكيل لضمان حقك القانوني.”

– الأوراق المطلوبة عقد بيع سيارة مسجل : –

بطاقة الرقم القومي للبائع والمشتري (سارية).
أصل رخصة السيارة (سارية) أو شهادة بيانات حديثة من المرور.
تحديد سعر البيع المتفق عليه.

– الإجراءات عقد بيع سيارة مسجل : –

التوجه لمكتب الشهر العقاري التابع له محل سكن البائع (أو أي فرع مميز).
تقدير الرسوم بناءً على موديل السيارة وسنة الصنع.
سداد الرسوم في خزينة المكتب.
توقيع البائع والمشتري أمام الموثق.
استلام العقد المسجل المختوم بختم “النسر”.

– أهم الاسئلة لعمل عقد بيع سيارة مسجل ؟

– ايه المطلوب مني عشان اعمل عقد تسجيل سيارة ؟

هتجيب رخصة سارية او شهادة بيانات لم يمر عليها شهر وتيجي نعمل عقد

– هل لازم اجيب المشتري معي فى تسجيل عقد السيارة؟

لا..مش لازم

– طيب الافضل اجيبه معي والا لا؟

الافضل ييجي معك عشان توقيعه على العقد بيخلي مسؤليتك عن السيارة من تاريخه

– طب افرض مجاش معي تنصحني بايه؟

انصحك قبل ما تسلمه العقد تمضيه على صورته انه استلم الاصل والسيارة ومسئول عنها من تاريخه وياريت لو فيه شهود تبقى تمام

– تنصحني بايه كمان احتياطي؟

انصحك تمضيه على اقرار استلام سيارة وتروح تاخد عليه اثبات تاريخ امام موثق الشهر العقاري

– هي رسوم تسجيل عقد سيارة كام؟

بترجع للماركة والموديل وبيحددها مختص الرسوم عندنا حسب جدول عام على مستوى الجمهورية

– لو مش هعمل عقد سياة مسجل وهعمل توكيل خاص بالسيارة ايه المطلوب؟

نفس المطلوب في العقد بس الرسوم هتكون رمزية مش مكملة 100 جنيه حاليا

– طب افرض الرخصة مش سارية ولا معي شهادة بيانات ممرش عليها شهر وانا مسافر وعايز اعمل توكيل للوكيل هل ينفع؟

ينفع تعمله توكيل رسمي عام في الماركة والموديل فقط وهو يتعامل نيابة عنك ورسوم التوكيل ده برضو رمزية .