You cannot copy content of this page

إجراءات وخطوات عمل توكيل لمتهم مسجون

كيفية عمل توكيل لمتهم مسجون

 

- الخطوات العملية : -

 

۱ - حضرتك بتكتب طلب للمحامي العام وبتجييب عليه تأشيرة نيابة ومعلومات من التنفيذ ان المتهم بيتنفذ عليه في سجن كذا وترفق فيه صورة الكارنية بتاعك .

۲ - تذهب الي سكرتارية المحامي العام للنيابة التابع لها تقدم الطلب وتاخد رقم او على حسب كل نيابة..  حضرتك بعدها بثلاث ايام بتروح لسكرتارية المحامي العام بتديك رقم صادر لدار القضاء العالي .

۳ - تروح لسكرتارية النيابة ف دار القضاء العالي الدور الارضي رابع مكتب بعد البوابة الامامية ع الشمال هتسأل بالرقم الصادر اللي معاك هتاخد رقم صادر لمصلحة الشهر العقاري اوقات بتروح شهر عقاري الإسعاف وأحياناً تروح مكتب رئيسي آخر .

٤ - هتروح شهر عقاري اللي اتصدر إليه الجواب بالرقم اللي معاك هتاخد رقم صادر للشهر العقاري التابع ليه السجن المحبوس فيه المتهم أو احيانا بيستاهلو معاك وتاخد الجواب والتصريح في ايدك اختصارآ للوقت بدل من انتظار مندوب.

۵ - هتروح الشهر العقاري اللي هيحددهولك ميعاد معين للإنتقال في بعض الأماكن ليهم يوم معين للإنتقال للسجن أو لو كان محجوز في القسم وممكن في نفس اليوم هتروح ف اليوم ده ع الساعة ۱۱ متروحش بدري لان الانتقال بعد الساعة ۱۲ هتدفع الرسوم(رسم بدل انتقال آخر مرة دفعته تقريباً ۳۵جنيه +۳۰جنيه رسم التوكيل) وتروح مع الموظف للسجن عشان يمضي المتهم المسجون انه وكل حضرتك في الدفاع عنه في القضية ويعمل لحضرتك التوكيل وترجعوا تاني للشهر العقاري يودع التوكيل ويدي حضرتك صورة رسمية منه وتستلم التوكيل.

 

 

صيغة طلب مقدم للمحامى العام لعمل توكيل لمتهم مسجون 

 

 

السيد المستشار / المحامى العام لنيابات ..................................

تحية طيبة وبعد

مقدمة لسيادتكم الاستاذ/ ............................................. المحامي

يرجاء من سيادتكم الموافقة على انتقال موظف من الشهر العقاري المختص الي سجن......... لعمل توكيل رسمي عام ف القضايا (نوع التوكيل) من السيد / .............................................

المحبوس بالسجن المذكور علي ذمة القضية رقم  ....... لسنة ....

( جنح او جنايات) .

وتفضلوا بقبول وافر التحية

 

مقدمه لسيادتكم
الاستاذ / ............

المحامى 

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Howdy,
Search exact
Search sentence
Ad1
Ad2