You cannot copy content of this page
كيفية عمل توكيل لمتهم مسجون – صيغة عمل توكيل لمسجون – هل يحق للمسجون إبرام العقود – هل يجوز للمسجون البيع والشراء ؟
1 – حضرتك بتكتب طلب بخط اليد موجة للمحامي العام المختص ( ليس النيابة التابع لها محل الإقامة إنما النيابة التي وقعت الجريمة في دائرتها وتولت محاكمة المتهم) وبتجييب عليه تأشيرة نيابة ومعلومات من التنفيذ.
2 – يحرر الطالب (أحد أقارب السجين ) طلبا بهذا الشأن (ومرفق نموذج منه )
3 – ويرفق معه صورة ما يفيد صلة القرابة مثل صورة شهادة ميلاد أو صورة قسيمة زواج في حالة كون القرابة من ناحية الأم أو الزوجة ويكتب علي الطلب ذاته تاريخ آخر زيارة للمسجون ورقم الصفحة
4 – حضرتك بتكتب طلب للمحامي العام الذى يتبع القضية المحكوم فيها على المتهم وبتجييب عليه تأشيرة نيابة ومعلومات من التنفيذ ان المتهم بيتنفذ عليه في سجن كذا وترفق فيه صورة الكارنية بتاعك .
5 – تذهب الي سكرتارية المحامي العام للنيابة التابع لها تقدم الطلب وتاخد رقم او على حسب كل نيابة.. حضرتك بعدها بثلاث ايام بتروح لسكرتارية المحامي العام بتديك رقم صادر لدار القضاء العالي .
6 – تروح لسكرتارية النيابة ف دار القضاء العالي الدور الارضي رابع مكتب بعد البوابة الامامية ع الشمال هتسأل بالرقم الصادر اللي معاك هتاخد رقم صادر لمصلحة الشهر العقاري اوقات بتروح شهر عقاري الإسعاف وأحياناً تروح مكتب رئيسي آخر .
7 – هتروح شهر عقاري اللي اتصدر إليه الجواب بالرقم اللي معاك هتاخد رقم صادر للشهر العقاري التابع ليه السجن المحبوس فيه المتهم أو احيانا بيستاهلو معاك وتاخد الجواب والتصريح في ايدك اختصارآ للوقت بدل من انتظار مندوب.
8 – هتروح الشهر العقاري اللي هيحددهولك ميعاد معين للإنتقال في بعض الأماكن ليهم يوم معين للإنتقال للسجن أو لو كان محجوز في القسم وممكن في نفس اليوم هتروح ف اليوم ده ع الساعة 11 متروحش بدري لان الانتقال بعد الساعة 12 هتدفع الرسوم (رسم بدل انتقال آخر مرة دفعته تقريباً 35جنيه +30جنيه رسم التوكيل) وتروح مع الموظف للسجن عشان يمضي المتهم المسجون انه وكل حضرتك في الدفاع عنه في القضية ويعمل لحضرتك التوكيل وترجعوا تاني للشهر العقاري يودع التوكيل ويدي حضرتك صورة رسمية منه وتستلم التوكيل.
9 – ويلاحظ أنه إصطحاب الموثق سيكون أيضا بواسطة طلب يقدم إلى مدير الشهر العقارى الواقع فى دائرته السجن الموجود به السجين وسيسدد له رسم
السيد المستشار / المحامى العام لنيابات …………………………….
تحية طيبة وبعد
مقدمة لسيادتكم الاستاذ/ ……………………………………… المحامي
يرجاء من سيادتكم الموافقة على انتقال موظف من الشهر العقاري المختص الي سجن……… لعمل توكيل رسمي عام ف القضايا (نوع التوكيل) من السيد / ………………………………………
المحبوس بالسجن المذكور علي ذمة القضية رقم ……. لسنة ….
( جنح او جنايات) .
وتفضلوا بقبول وافر التحية
مقدمه لسيادتكم
الاستاذ / …………
المحامى
مكتب المستشار القانونى / أحمد سيد حسن
” المحامى بالنقض والدستورية والإدارية العليا “
(whats app ) واتس أب : 201220615243+
للتواصل : 201103004317+
1 Comment
يا ريت يا اصحاب الخبرة والمعرفة ضروري تفيدوني بعلمكوا في مسألة مصيرية عاجلة
توكيل عن شخص محبوس احتياطيا داخل في ال8 شهور , عايزين توكيل بنكي (يشتمل مكنة التصرف في اي حسابات بنكية متعلقة بالمحبوس) وتوكيل صرف معاش وتنشيطه ( عشان ساعات الكارت بيبقى عايز يتنشط) , وديه مصادر المال اللي من خلالها بنوفر للمحبوس المأكل والمشرب وكافة الوسائل المتاحة للمحبوسين احتياطيا والمكلفة , لأننا مش عارفين هايخرج امتى , وهو محتاج مصاريف وكل شوية بنوكل له محامي اشطر عشان القضايا ديه مش موجودة غير في العالم التالت (اكيد انتوا فاهمين نوع القضايا اللي بيتم فيها تجديد الحبس اعتباطا بلا رقيب-فوق القانون ) ؟ – المهم, اذن وهو داخل محبسه , ما الاجراءات المطلوبة بالتفصيل يا اصحاب الخبرة ؟