You cannot copy content of this page

خطوات إزالة الأحكام الجنائية من الحاسب الآلي لوزارة الداخلية 

كيفية إزالة الأحكام الجنائية من الحاسب الآلي لوزارة الداخلية 

 

 

- لو عندك حكم جنائي... وبيظهر في الكماين أو المطارات والموانئ وعايز تزيله عشان ترتاح أتبع التعليمات الاتى شرحها : - 

 

بداية يجب توضيح أن الأحكام الجنائية ثابته في ثلاث أماكن تابعة لوزارة الداخلية وهي : -

 

اولا : - شبكة وزارة الداخليه التابعه للسجل المدني ودي بيظهر عليها الاحكام النهائية اللي المتهم نفذها فعلا وهي دي الاحكام اللي بتظهر في الفيش دون غيرها ودي بتبقي طريقة مسح الحكم منها عن طريق طلب رد الاعتبار وده طلب بيتقدم لمحكمة الجنايات التابع ليها سكن المتهم بشرط ان يكون عدي علي تنفيذ الحكم المدة القانونية. مع الاخذ في الاعتبار ان اول جنحه مابتنزلش في الفيش .

 

ثانيا : -  شبكة ادارة تنفيذ الاحكام التابعه للامن االعام ودي بتظهر عليها اي قضية اخدت حكم حتي لو مانفذش فيها المتهم ودي اللي موجودة فالكماين والاقسام بس مابتنزلش في الفيش الجنائي لو المتهم مانفذش فيها حتي لو عليه عشر قضايا بس لو المتهم راح يعمل فيش بيروح يستلمو تاني يوم ممكن بتوع المباحث يكشف عليه ويمسكو وهو رايح يستلمو . وعشان تشيلها من الحاسب بتجيب شهادة من الجدول وتروح المديرية او الامن العام وحده تنفيذ الاحكام اللي في طره وبطاقه المتهم وهما بيبعتو يستعلمو عن صحه الشهادة لو سليمه بيسددوها وطبعا بتمضي ان الشهاده سليمة .

 

ثالثا : -  شبكة المعلومات الجنائية او كارت التسجيل الجنائي ودي بتبقي عبارة عن كارت معلومات للمتهم فيه اسمه واسم والدته وشهرته وسوابقه ودرجه خطورته ومواصفاته الجسديه وده هما عاملينه عشان يقدروا يعرفوا المسجلين خطر وده بيبقي عن طريق لما متهم بيخرج كفاله او برءاة بيطلع في عرض المباحث بيبعتوا المتهم لمديرية الامن عشان يتسجل انه متهم في قضيه كذا .

- والحقيقه ان ده صعب جدا انك تشيل اسم متهم من عليه لان وزير الداخليه اصدر كتاب دورى رقم ۷لسنه ۲۰۱۳ بشان الشروط الواجب توافرها لكي تمسح اسم من المعلومات الجنائية وهي ان يعدي خمس سنين علي اخر اتهام دون صدور حكم بعد كده في لجنه بتنعقد في الامن العام كل تلات شهور بتقدم لها الطلب .

 

_ المشكله ان ساعات اللجنه بترفض المسح بحجه ان العنصر المتهم خطر .

الحل : - عشان كده اساتذه محامين رفعوا دعوة في مجلس الدوله اسمها محو وشطب المعلومات الجنائية من كارت المعلومات الذكي وكسبوها .
بس مشكلتها بتاخد وقت شوية.

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Howdy,
Search exact
Search sentence
Ad1
Ad2